Shalom Akademie

’’n Skool waar elke leerder die geleentheid kry om te groei en uit te blink

Shalom Akademie bied klassikale onderrig in Afrikaans en volg die Nasionale Kurrikulumverklaring (NKV). Ons streef daarna om ’n sterk akademiese grondslag te bied binne ’n veilige, ondersteunende en stimulerende skoolomgewing.

Ons goed toegeruste skoolfasiliteite bestaan uit ’n administrasieblok, veertien klaskamers en ’n rekenaarlokaal. Die aangrensende sportveld word as speelgrond gebruik en bied uitstekende geleenthede vir sport en buitemuurse aktiwiteite.

’n Toegewyde personeelspan

Ons personeel bestaan uit sewentien onderwysers, ’n sekretaresse, finansiële beampte, terreinbestuurder en twee algemene werkers. Elke personeellid dra by tot die sukses van ons skool en deel ’n passie vir onderwys en ’n liefde vir kinders.

Aan die begin van 2025 het Shalom Akademie 129 leerders van Graad R tot matriek gehad. Ons groeiende skoolgemeenskap bied aan leerders ’n persoonlike en ondersteunende omgewing waarin hulle hul potensiaal kan ontwikkel.